Қазақстанның премьер-министрі Қырғызстанның президентімен екі елдің ынтымақтастығының болашағын талқылады
Тараптар сауда-экономикалық және инвестициялық ынтымақтастықты дамытудың жай-күйі мен перспективаларын талқылады.
Бішкек. 6-желтоқсан. Kazakhstan Today - Қазақстанның Премьер-Министрі Серік Ахметов Қырғыз Республикасының Президенті Алмазбек Атамбаевпен кездесті, деп хабарлайды Kazakhstan Today агенттігінің тілшісі.
Тараптар сауда-экономикалық және инвестициялық ынтымақтастықты дамытудың жай-күйі мен перспективаларын талқылады.
"ҚР Президенті Н.Назарбаевтың Қырғызстанға сапарынан кейін біздің елдеріміздің арасындағы екі жақты қарым-қатынас жаңа деңгейге көтерілді. Қырғызстан бұдан кейін де Қазақстанмен ынтымақтастықты дамытып әрі нығайта беретін болады. Біз сіздің елдің бізге көрсетіп отырған қолауын өте жоғары бағалаймыз", - деп атап өтті кездесу барысында А.Атамбаев.
Өз кезегінде, С.Ахметов екіжақты қарым-қатынастың үйлесімді әрі тұрақты дами беретініне сенім білдірді. "Қазақстан Қырғызстанмен сауда-экономикалық байланысты кеңейтіп және нығайтуға мүдделі", - деп мәлімдеді Қазақстан Үкіметінің басшысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.