Қазақстанның Ресей Федерациясындағы төтенше және өкілетті елшісі Дмитрий Медведевке сенім грамотасын тапсырды
Қазақстанның Ресей Федерациясындағы төтенше және өкілетті елшісі Дмитрий Медведевке сенім грамотасын тапсырды
Алматы. 27 ақпан. "Қазақстан Бүгін" - Қазақстан Республикасының Ресей Федерациясындағы төтенше және өкілетті елшісі Иділбек Жақсыбеков бүгін Кремльде Ресей Федерациясының президенті Дмитрий Медведевке сенім грамотасын тапсырды, деп хабарлайды агенттік тілшісі Қазақстан Республикасының Ресей Федерациясындағы елшілігінің хабарламасына сілтеме жасап.
Салтанатқа Ресей президентінің көмекшісі Сергей Приходько мен РФ Сыртқы істер министрі Сергей Лавров қатысты.
Дәстүр бойынша ресейлік лидер ең көкейкесті халықаралық проблемаларға арналған, сондай-ақ Ресейдің Қазақстанмен қатынасын білдіретін сөз сөйледі.
"Біз өзіміздің стратегиялық одақтасымыз - Қазақстанды жоғары бағалаймыз. Жыл өткен сайын біздердің әріптестігіміз кең қанат жая түсуде, ол ірі жобалармен толығуда, біздер ТМД, ЕурАзЭҚ, ҰҚШҰ, ШЫҰ және АӨІСШК аясында, сондай-ақ БҰҰ және ЕҚЫҰ аясында көпжақты форматтағы ынтымақтастықты белсенді түрде жалғастырудамыз", - деді Дмитрий Медведев.
Шетелдік елшінің өзі келген елдің президентіне сенім грамотасын тапсыру рәсімі елшінің дипломатиялық қызметінің басталғанын білдіреді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.