Қазақстанның Сыртқы істер министрлігі Косовоның тәуелсіздігін жариялауына байланысты мәлімдеме жасады
Қазақстанның Сыртқы істер министрлігі Косовоның тәуелсіздігін жариялауына байланысты мәлімдеме жасады
Астана. 18-ақпан. "Қазақстан Бүгін" - Қазақстан мемлекеттің аумақтық тұтастығының бұзылуын және тәуелсіздікті бір жақты жариялауды хош көрмейді. Бұл туралы бүгін өткен брифингте Косоводағы жағдайға байланысты республиканың позициясын айқындай отырып, Сыртқы істер министрлігінің ресми өкілі Ержан Ашықбаев мәлімдеді.
"Қазақстан барлық мойындалмаған мемлекеттер үшін прецедент ретінде бағалануы мүмкін қадам ретінде мемлекеттің аумақтық тұтастығының бұзылуын және тәуелсіздікті бір жақты жариялауды қолдамайды", - деп мәлімдеді Е. Ашықбаев.
"Сонымен бірге Хельсинки қорытынды актісі мемлекеттердің шекараларын бейбіт жолмен және келісім бойынша халықаралық құқыққа сәйкес өзгертуге рұқсат береді. Осыған байланысты Қазақстан халықаралық қоғамдастықтың, оның ішінде, БҰҰ, ЕҚЫҰ және Еуроодақ аясында Косово шиеленісін реттеу жөнінде өзара тиімді шарттарға қол жеткізуге бағытталған келісілген бастамаларды қолдайды", - деп атап көрсетті ол.
"Қазақстан жағы жағдайды жіті бақылауында ұстап отыр және халықаралық құқық негізінде барлық тараптарды қанағаттандыратын шешімге қол жеткізуге шақырады", - деді Е. Ашықбаев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.