АСТАНА. 29-қаңтар. Kazakhstan Today. Өткен жексенбіде Эр-Риядта Қазақстан Республикасының төтенше және өкілетті елшісі Қайрат Лама Шариф Сауд Арабиясының патшасы Абдалла бен Абдель Азиз аль-Саудқа сенім грамотасын табыстады. Бұл туралы Kazakhstan Today тілшісіне Қазақстан Республикасының Сыртқы істер министрлігінен хабарлады.
Ресми салтанаттан кейінгі әңгімелесу барысында қазақстандық дипломат Сауд Арабиясының патшасына Қазақстанның әлемнің бәсекеге қабілетті елу елінің қатарына кіру стратегиясы туралы мәлім етіп, біздің еліміздің Сауд Арабиясымен өзара ынтымақтастығын ары қарай нығайта түсетіндігін атап өтті.
Патша Абдалла өз кезегінде Қазақстан Республикасының президенті Нұрсұлтан Назарбаевқа ақ тілектер тілей отырып, Қазақстан халқына амандық тіледі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанның төтенше және өкілетті елшісі Сауд Арабиясының патшасына сенім грамотасын табыстады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.