АЛМАТЫ. 15-мамыр. Kazakhstan Today. Қазақстанның ұлттық-патриоттары "Халық рухы" атты бір партияға бірікті. Бұл туралы бүгін өткен баспасөз мәслихатында мәжіліс депутаты, партияның идеялық ұйытқысы Мұхтар Шаханов мәлімдеді, деп хабарлайды Kazakhstan Today тілшісі.
"Біз бірлесе отырып "Халық рухы" деп аталатын демократиялық партия құруға ұйғардық. Бұл - таза ұлтшыл партия болмайды, оның басқа партиялардан бір ерекшелігі - Қазақстан халқының рухани байлығын дамыту мақсатын көздейтіндігі",- деп мәлімдеді М.Шаханов.
Оның айтуынша, "рухани құндылықтарды елемей, тек байлық қуу жақсылыққа апармайды. Партия қалың бұқараға осыны ескертіп отыратын болады",- деп санайды М.Шаханов.
Партияны құрушылардың ақпаратына сәйкес, оған "Мемлекеттік тіл", "Ұлт тағдыры", "Болашақ" секілді ұлттық-республикалық қозғалыстар біріккен. Ал "Ұлт тағдыры" республикалық қозғалысының жетекшісі Дос Көшімнің айтуынша, бұл қозғалыстарға кейбір саяси партиялардан да өкілдер енген. "Оларды "Халық рухына" мүшелікке өтуге ешкім де мәжбүрлемейді. Иркімнің өз еркі біледі",- деді ол.
Сонымен бірге партияны құрушылар келесі жылы өтетін мәжіліс сайлауына дейін партияны тіркеп үлгеру үшін таяу уақыттарда қол жинауға кірісетінін хабарлады. Ұлттық-патриоттар "бұл партияның еліміздегі саяси құбылыстарда салмаққа ие бола алатынына шүбә келтірмейді". "Партия айналысатын проблемалар мен оның өзіне лайықты орны бар екендігі дау туғызбаса керек",- деді Д.Көшім.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстанның ұлттық-патриоттары "Халық рухы" атты бір партияға бірікті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.