Қазақтан мен Түрікменстан бірқатар екі жақты құжаттарға қол қойды
АСТАНА. 28-мамыр. Kazakhstan Today. Түрікменстан президенті Гурбангулы Бердымухаммедовтың Қазақстанға мемлекеттік сапары аясында екі жақ бірқатар құжаттарға қол қойылды, деп хабарлайды Kazakhstan Today тілшісі.
Атап айтсақ, екі ел президенттерінің біріккен мәлімдемесіне, Қазақстан мен Түрікменстан арасындағы 2020 жылға дейінгі сауда-экономикалық, ғылыми-техникалық және мәдениет ынтымақтастығы туралы келісімге және 2020 жылға дейінгі сауда-экономикалық, ғылыми-техникалық және мәдени ынтымақтастық бағдарламасына, шекара өкілдерінің (шекара комиссарларының) іс-қызметі туралы, стандарттау, метрология, сертификаттау және аккредитациялау саласындағы ынтымақтастық және ақбөкендерді қорғау, өсіру және пайдалану жөніндегі үкіметаралық келісімдерге қол қойылды.
Сонымен қатар, Қазақстан Республикасының Ұлттық қауіпсіздік комитеті мен Түрікменстанның Мемлекеттік шекара қызметінің арасында жедел-іздестіру қызметі саласындағы ынтымақтастық туралы хаттамаға қол қойылды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.