"Қазатомөнеркәсіп" ҰАК" АҚ Басқарма төрағасы Владимир Школьник Берлинде "Экономикалық ынтымақтастық үшін серпіндер" Қазақстан-Германия экономикалық форумына қатысты.
2011 жылдың 24 мамырында Берлин қаласында өтіп жатқан форум жұмысына Германия мен Қазақстанның өнеркәсіп және қаржы орындарының өкілдері қатысуда.
Форум кезінде "Қазатомөнеркәсіп" ҰАК" АҚ Басқарма төрағасы Владимир Школьник Қазақстан мен Германия ынтымақтастығының Қазатомөнеркәсіп қызметінің жаңа бағыттарындағы басымдықтарына арналған баяндама жасады.
Форум барысында "Қазатомөнеркәсіп" пен "Хемианлагенбау Хемниц ГмбХ" ("Chemieanlagenbau Chemnitz GmbH") компаниялары ынтымақтастық меморандумына қол қойды.
Құжат Қазақстандағы бәсекелі технологиялар рыногын қалыптастыруды және жүйеге келтіруге бағытталған. "Қазатомөнеркәсіп" ұлттық атом компаниясының баспасөз қызметі таратқан хабарға қарағанда, бұл құжатта нақты 9 жоба қамтылған. Олардың қатарында тұз қышқылын, натрий цианидын, хлорид және кальций гипхлоридын, басқа да химиялық өнімдер өндіретін ілкі қондырғыларды жасау бар. Меморандумда Қазақстан мен Германияның әлемдік деңгейдегі бірлескен инновацияларын, серпінді технологияларын және басқа да мемлекеттердің атом, химия және металлургиялық секторларындағы ғылымды көп қажетсінетін жаңа өндіріс орындарын ашу бойынша ынтымақтастық шарттары анықталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазатомпром мен Хемианлагенбау Хемниц ГмбХ ынтымақтастық туралы Меморандумға қол қойды - баспасөз баяны
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.