АСТАНА. 3-шілде. Kazakhstan Today. қазіргі жағдаймен елімізде мәслихаттар депутаттығына 51 кандидат ұсынылды. Бұл туралы Орталық сайлау комиссиясынң төрағасы қуавндық Тұрғанқұлов бүгін өткен комиссия отырысында мәлім етті, деп хабарлайды Kazakhstan Today тілшісі.
"2007 жылғы 3 шілдедегі жағдай бойынша мәслихаттар депутаттығына 51 кандидат ұсынылды. Олардың ішінен 19 кандидатураны "Нұр Отан" Халық демократиялық партиясы ұсынды және 32 кандидатура өзін-өзі ұсыну тәртібімен ұсынылды",- деді комиссия төрағасы.
Облыстық мәслихаттарға 7 кандидат ұсынылды; Астана қаласының мәслихатына 3 кандидат; аудандық мәслихаттарға 39 кандидат; қалалық мәслихаттарға 2 кандидат ұсынылды.
Қ.Тұрғанқұловтың айтуынша, мәжіліс депутаттығынан үміткерлердің партиялық тізімі Орталық сайлау комиссиясына ұсынылған жоқ.
"Ағымдағы жылғы 30 маусымда өткен "Руханият" партиясының және "Ауыл" Қазақстан әлеуметтік-демократиялық партиясының съездерінде жасалған партиялық тізімдер Орталық сайлау комиссиясына тіркеу үшін әзірге түскен жоқ",- деді Қ.Тұрғанқұлов.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазіргі жағдаймен мәслихаттар депутаттығына 51 кандидат ұсынылды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.