"ҚазМұнайГаз" бен Вьетнамның мұнай және газ корпорациясының өзара ынтымақтастығы туралы келісімге қол қойылды
"ҚазМұнайГаз" бен Вьетнамның мұнай және газ корпорациясының өзара ынтымақтастығы туралы келісімге қол қойылды
Астана. 15 қыркүйек. Kazakhstan Today - Қазақстан үкіметінде бүгін "ҚазМұнайГаз" бен Вьетнамның "Петровьетнам" мұнай және газ корпорациясының өзара ынтымақтастығы туралы келісімге қол қойылды, деп хабарлайды Kazakhstan Today.
Вьетнам Социалистік Республикасының премьер-министрі Нгуен Тан Зунгтің қол қою рәсімінен кейін айтуынша, "біз бірінші кезекте энергетика, мұнай және газ өндіру, минералды ресурстар өндіру саласындағы ынтымақтастыққа баса назар аударамыз".
"Экономикалық ынтымақтастық саласында екі ел арасында ауқымды даму кеңістігі бар. Біз бүгін нақты келісімдер жасастық. Бірінші бағыт - Қазақстан мен Вьетнам аумағында және үшінші елдердің аумағында отын-энергетикалық саланы дамыту", - деді Қазақстан премьер-министрі Кәрім Мәсімов.
Бұдан бұрын да хабарлағанымыздай, Елбасының шақыруымен 14-15 қыркүйекте Қазақстанға Вьетнам Социалистік Республикасының премьер-министрі Нгуен Тан Зунгтің ресми сапары жоспарлануда.
Сапар барысында жоғары дәрежелі қонақ еліміз басшылығымен кездесулер өткізіп, энергетика, білім, ортақ инвестицияларды қолдау және қорғау, азаматтардың уақытша еңбек ету әрекеттері және екі ел азаматтарының сапар шегу мәселелеріне қатысты бірқатар келісімдерге қол қоймақ. Сонымен қатар, сапар шеңберінде бизнес- форум өткізу де жоспарлануда.
Екі ел қатынастары тарихында бұл сапар соңғы 15 жыл ішіндегі алғашқысы болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.