Кеден одағы аясында тауар тасымалдау барысындағы экспорттық баж салығы 2012 жылға дейін алынып тасталуы мүмкін
"Егер біз барлық келісімдерді дайындап (бірыңғай экономикалық кеңістік құруға қатысты), оларды қолданысқа енгізсек, онды біз экспорттық баж салығынан ертерек босатуға қатысты мәселені қарастырамыз",- деді А. Кудрин. Вице-премьердің айтуынша, Кеден одағы аясында тауар тасымалдауда салынатын экспорттық баж салығы бірыңғай экономикалық кеңістік құрылғанға дейін сақталады.
Алматы. 7-шілде. Kazakhstan Today Кеден одағы аясында тауар тасымалдау барысындағы экспорттық баж салығы 2012 жылға дейін алынып тасталуы мүмкін. Бұл туралы РФ вице-премьер-министрі, қаржы министрі Алексей Кудрин мәлім етті, деп хабарлайды Kazakhstan Today агенттігінің тілшісі "РосБизнесКонсалтинг" (РБК) РАА сілтеме жасай отырып.
"Егер біз барлық келісімдерді дайындап (бірыңғай экономикалық кеңістік құруға қатысты), оларды қолданысқа енгізсек, онды біз экспорттық баж салығынан ертерек босатуға қатысты мәселені қарастырамыз",- деді А. Кудрин. Вице-премьердің айтуынша, Кеден одағы аясында тауар тасымалдауда салынатын экспорттық баж салығы бірыңғай экономикалық кеңістік құрылғанға дейін сақталады.
Естеріңізге сала кетсек, Қазақстан, Ресей және Беларусь Кеден кодексінің күшіне енуі туралы өтінше 2010 жылдың 5-шілдесінде қол қойған болатын. Ертеректе бекітілген жоспарға сәйкес бірыңғай экономикалық кеңістікті 2012 жылы құру жоспарлануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.