Кедендік одақ қарақұмық, қырыққабат және картопты шеттен әкелуге салынатын баж салығын нөлдік бағамен белгілемек
Алматы. 18 - қазан. Kazakhstan Today - Кедендік одақ комиссиясы қарақұмық, қырыққабат және картопты шеттен әкелуге салынатын баж салығын алты ай мерзімге нөлдік бағамен белгілемек. Бұл туралы Кедендік одақ комиссиясының ресми өкілі мәлім етті, деп хабарлайды Kazakhstan Today агенттігінің тілшісі ИТАР-ТАСС сілтеме жасай отырып.
"Кеден одағы Комиссиясының Мәскеуде өткен отырысы барысында Кеден одағы аясына алты мерзімге қарақұмық, қырыққабат және картопты шеттен әкелуге салынатын баж салығын 0 пайыз көлемінде белгілеу туралы шешім қабылданды", деп атап өтті ол.
Кедендік одақ комиссиясы "бұл шешімді 2010 жылы жазда болған жоғары температура және құрғақшылық, сонымен қатар, картоп және қарақұмық өнімдері көлемінің төмен алынғандығымен" түсіндіріп отыр. Шешім жарияланған сәтінен бастап өз күшіне енеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.