Кедендік одақтың біртұтас тарифі мақұлданды - РФ вице-премьері
Алматы. 25 қыркүйек. Kazakhstan Today - Алматыда ЕурАзЭҚ Кедендік одағы комиссиясының отырысы барысында Кедендік одақтың біртұтас тарифі мақұлданды. Бұл туралы РФ вице-премьері Игорь Шувалов бүгін Алматыда Кедендік одақ комиссиясының жұмыс қорытындысы бойынша өткен баспасөз мәслихатында мәлімдеді, деп хабарлайды Kazakhstan Today.
"Біз бірқатар маңызды шешімдерді қабылдадық, олар ЕурАзЭҚ мемлекеттік кеңесінің мемлекет басшылары деңгейінде 27 қарашада МИнск қаласында өтетін отырысқа дайындықтың іс жүзінде аяқталғанын білдіреді. Мемлекет басшыларының кездесуіне орай біз біртұтас кедендік тарифті мақұлдадық. Біз барлық келіспеушіліктерді жойдық және осы жұмыс аяқталды деп растай аламыз", - деді И. Шувалов.
Сондай-ақ, Кедендік одақтың кедендік кодексінің жобасы мақұлданды.
"Біз мемлекет басшыларының қарап қол қоюына берілетін келісім-шарттарының жобаларын қарастырдық", - деді РФ вице-премьері.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.