ҚХР Сыртқы істер министрі Ян Цзечи Қазақстанға ресми сапармен келеді
ҚХР Сыртқы істер министрі Ян Цзечи Қазақстанға ресми сапармен келеді
Астана. 23 маусым. "Қазақстан Бүгін" - Қазақстан сыртқы істер министрі Марат Тәжиннің шақыруы бойынша 24 - 25 маусым аралығында ҚХР Сыртқы істер министрі Ян Цзечи Қазақстанға ресми сапармен келеді. Бұл 2007 жылғы сәуірде ҚХР Сыртқы істер министрі болып тағайындалғаннан кейінгі Ян Цзечидің Қазақстанға алғашқы ресми сапары болып табылады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
Баспасөз қызметінің ақпаратына сәйкес, сапар бағдарламасы Қытай министрінің еліміздің басшылығымен кездесулерін қамтып, келіссөздер барысында саяси, экономикалық және гуманитарлық салаларындағы екіжақты ынтымақтастықтың кең ауқымды мәселелері және жоғарғы дәрежеде қол жеткізілген уағдаластықтардың іске асырылу барысы қарастырылады.
"Қытай Сыртқы істер министрінің Қазақстанға алдағы ресми сапары қазақстан-қытай стратегиялық әріптестік қатынастарының одан әрі дамыту ісінде маңызды оқиға болмақшы",- деді ресми өкіл.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.