Қырғызстан биылғы жылы электр қуаты экспортының тең жартысын қысқартады
Қырғызстан биылғы жылы электр қуаты экспортының тең жартысын қысқартады
Бішкек. 11 сәуір. "Қазақстан Бүгін" - Қырғызстан биылғы жылы электр қуаты экспортының тең жартысын қысқартады. Бұл туралы Қырғызстан Республикасының өндіріс, энергетика және отын ресурстары министрінің орынбасары Ақылбек Төменбаев бүгін өткен баспасөз мәслихатында жария етті, деп хабарлайды агенттік тілшісі.
"Қырғызстанның биылғы жылы электр қуаты экспортының көлемі 1 млрд кВт-сағатты құрайды. Ал жалпы жыл сайын оның экспорты 2,3 млрд кВт сағатқа жететін. Тоқтағұл су қоймасындағы су деңгейінің төмен болуынан оның көлемі қысқартылады ", -деді А. Төменбаев.
Ол атап өткеніндей, 1 млрд кВт-сағат бұл электр қуатының ең төменгі көлемі. "Электр станциялары" осы көлемге сәйкес отынмен қамтамасыз етіледі .
Бұдан бұрын хабарланғанындай, Қырғызстанда 2008-2009 жылдары жылу беру кезеңі ойдағыдай өтпейтін жағдайы бар дегенді энергетик мамандары мәлімдеген болатын. Тоқтағұл су қоймасындағы су тапшылығына байланысты жылу беру кезеңінің дұрыс өткізілмеуінің қаупі бар. Өткен жылмен салыстырғанда биылғы жылдың қаңтар-ақпан айларында су көлемі 300 текше метрге кем болды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.