Қырғызстан Экономикалық ынтымақтастық ұйымына мүше елдердің біртұтас энергетикалық жүйесін құруды ұсынады
Қырғызстан Экономикалық ынтымақтастық ұйымына мүше елдердің біртұтас энергетикалық жүйесін құруды ұсынады
Бішкек.12 ақпан. "Қазақстан Бүгін" - Қырғызстан Экономикалық ынтымақтастық ұйымына мүше елдердің біртұтас энергетикалық жүйесін құруды ұсынады. Экономикалық ынтымақтастық ұйымына мүше елдердің энергетика жөніндегі арнаулы тобының кеңесінде Қырғызстан өкілдері осындай ұсыныс жасады, деп хабарлайды агенттік Қырғызстан СІМ-нің баспасөз қызметіне сілтеме жасап.
Баспасөз қызметінің ақпаратына сәйкес, Қырғызстан өкілдерін "Қырғызстанның ұлттық энергетикалық желісі" ААҚ бас директорының орынбасары М. Айткулов басқарды. Кездесу барысында сарапшылар өңірдегі энергетикалық ынтымақтастық мәселелерін талқылады. Атап айтсақ, Экономикалық ынтымақтастық ұйымына мүше елдердің біртұтас энергетикалық жүйесін құру мүмкіндіктері қаралды.
"Бұл кездесу Экономикалық ынтымақтастық ұйымының өңірлік жоспарлау кеңесінің он сегізінші жиналысын өткізуге дайындық болып табылады, ол наурыздың басында Исламабадта өтеді", - деп хабарлайды Қырғызстан СІМ.
Экономикалық ынтымақтастық ұйымын 1977 жылдың наурыз айында Иран, Түркия және Пәкістан құрған. 1992 жылы оған Изербайжан, Ауғанстан, Қырғызстан, Қазақстан, Тәжікстан, Түрікменстан мен Өзбекстан бірікті. Ұйым 1993 жылдың қыркүйек айынан бері БҰҰ-ның жанындағы бақылаушы мәртебесіне ие.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.