Қырғызстан Қазақстанмен 50 мың тонна бидай сатып алу жөнінде келісім жасады
Қырғызстан Қазақстанмен 50 мың тонна бидай сатып алу жөнінде келісім жасады
Бішкек. 3 сәуір. "Қазақстан Бүгін" - Қырғызстан Қазақстанмен 50 мың тонна бидай сатып алу жөнінде келісім жасады, деп хабарлайды агенттік тілшісі Қырғызстан Республикасының ішкі істер министрлігіне сілтеме жасай отырып.
Баспасөз қызметінің ақпараты бойынша 2008 жылдың 25 қаңтарында Қазақстан мен Қырғызстан үкімет басшыларының Мәскеуде жасаған келісіміне сәйкес, Қазақстан Республикасында Қырғызстан Республикасының елшілігі Қырғызстан мемлекеттік материалдық резервтер қорының қазақстанның "MAGAZ GROUP"ЖШС компаниясынан 50 тонна азық-түлік бидайын сатып алу жөнінде келісім шартын жасауды ұйымдастырды.
Баспасөз қызметі хабарлағанындай елшілік қырғызстанның мемлекеттік материалдық резервтер Қорына "Қазақстан темір жолы" Ұлттық Компаниясы "АҚ бидайды тасымалдау үшін темір жол жүк вагондарын бөліп, кедендік құжаттарды рәсімдеуге көмек көрсетті.
Баспасөз қызметінің ақпараты бойынша елшілік өнімді жөнелту жұмысын үнемі қадағалап отыр."Жуырда 5 мың тонна бидайдың бірінші легі жіберілді (5 вагон). Ал қазіргі кезде 20 мың тонна бидай вагондарға тиеліп жатыр ( 20 вагон ). Қалған бидай бөлігі алдағы екі аптаның ішінде жөнелтілетін болады ", - деп хабарлады ІІМ.
Сонымен қатар, Қырғызстанда көктемдік егіс жұмыстарын жүргізу үшін Қазақстан Республикасында Қырғызстан Республикасының елшілігі "Петропавловскнефтетранс" компаниясының дизельдік отынды Қырғызстанға жіберу жөнінде мәселесімен айналысуда. Бүгінгі күні дизель отыны тиелген 10 вагон қырғызстанға жіберілді, деп хабарлайды агенттік тілшісі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.