БІШКЕК. 28-қыркүйек. Kazakhstan Today. Қырғызстан өзінің сыртқы саясатына қатысты мәселе бойынша прагматизмді басшылыққа ала отырып ұлттық мүддені бірінші орынға қоятын болады. Қырғызстан президенті Құрманбек Бакиев бүгін республика халқы мен парламентіне арнаған алғашқы жолдауында осылай деді, деп хабарлайды Kazakhstan Today тілшісі.
"Біздің көп мәселеге қатысты сыртқы саяси ұстанымдарымыз түбегейлі өзгерді. Біз бірінші орынға өзіміздің ұлттық мүддемізді қоятын боламыз",- деп мәлімдеді Қ.Бакиев елдің дамуының ұлттық стратегиясын таныстыру барысында.
"Нақ осындай мүддеге байланысты біз көршілес елдер - Қазақстан, Өзбекстан, Тәжікстан және Қытаймен меймандос қарым-қатынасты нығайтуға баса назар аударатын боламыз",- деді Қырғызстан мемлекет басшысы. "Көрші елдермен меймандос байланыс орнату - біздің қауіпсіздігімізге және экономикалық дамуымызбен тікелей сабақтас",- деді ол.
Сонымен бірге Қ.Бакиев Қырғызстанның ішкі ісіне ешкім де араласуға тиіс емес деп атап өтті. "Еліміздегі демократиялық деңгей еліміздің ішіндегі мәселелерді өз бетімізбен шешетіндей жағдайға жеткізді",- деп мәлімдеді ол.
Президент өз жолдауында мемлекетті дамытудың тұғырнамалық мақсаттарын айқындады. "Алдағы бес жылда біз әлемдік орташадан кем түспейтіндей тіршілік деңгейін қамтамасыз ету, әлемдік жүйеге жоғары сапалық деңгейле кірігуге мүмкіндік беретін бәселелестік қабілеті бар экономика құру, республика халқының санын арттыру міндеттерін атқарып шығуға тиіспіз",- деді Қ.Бакиев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қырғызстан өзінің сыртқы саясатында ұлттық мүддені бірінші орынға қояды - Бакиев
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.