Қырғызстан Пәкістанға электр қуатын экспорттау мәселесін ойластыруда
Қырғызстан Пәкістанға электр қуатын экспорттау мәселесін ойластыруда
Бішкек. 18 қаңтар. "Қазақстан Бүгін" - Қырғызстан Пәкістанға электр қуатын экспорттау мәселесін ойластыруда, деп хабарлайды агенттік Қырғызстан Республикасы президентінің баспасөз қызметіне сілтеме жасай отырып.
"Мемлекет басшысы бұл мәселені Қырғызстан Республикасының Пәкістандағы төтенше және өкілетті елшісі Нұрлан Айтмурзаевқа тапсырды", - деп хабарлайды баспасөз қызметіндегілер.
Президент атап өткеніндей, экспортталатын қуат бүгінде мемлекеттік бюджет есебінен салынып жатқан Қамбарата 2-ГЭС-нен шығарылатын болады. Оның бірінші агрегаты алдағы жылдың аяғында іске қосылады".
Осы бағдарлаға байланысты Қырғызстан Республикасындағы ФРГ төтенше және өкілетті елшісі Клаус Гревлих қолдау көрсететінін жеткізді. К. Гревлих басқаратын елшілік миссиясы сонымен бірге Қырғызстан Республикасындағы Еуроодақ өкілдігінің міндетін атқарады. Оның пікірі бойынша, Қырғызстан және Тәжікстаннан Ауғанстанға, Пәкістанға электр қуатын экспорттау мәселесі ЕД Орталық Азия бойынша дайындаған стратегиясына сәйкес келеді. Осы жоба іске асырылатын болса, онда бұл аймақтар болашақта үлкен жетістіктерге жетуі мүмкін.
РҚ экономикалық даму және сауда министрлігінда атап өткеніндей, бұл CASAREM-1000 жобасы. Бұл жоба бойынша жасалған келісім-шарт былтыр күзде Кабулда қабылданып оған қол қойылған болатын. Құжатта көрсетілгеніндей, Қырғызстан мен Тәжікстаннан жобаның бірінші кезеңінен бастап, Пәкістан мен Ауғанстанға 1300 мегават электр қуаты жіберіледі.
Төрт мемлекеттің өкілдері өз-ара түсіністік жөнінде қол қойылған меморандумына сәйкес, Ауғаныстан арқылы Пәкістан мен Тәжікстанды байланыстыратын 750 шақырымдық жоғары вольтті электр желілерінің құрылысы қолға алынады. Сондай-ақ, Кабулда қайта құрылатын ауыспалы және тұрақты тоқ стансасы және тәжік жері арқылы Оңтүстік Азияға Қырғызстанның элек қуатын жеткізу үшін, Қырғызстан мен Тәжікстан арасында ауыспалы кернеудегі тоқты жеткізетін электр желісінің құрылыстары жоспарлануда.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.