БІШКЕК. 30-наурыз. Kazakhstan Today. Қырғызстан парламенті - Жогорку кенеш депутаттары бүгін үкімет басшысы қызметіне бұрынғы оппозиционер Алмазбек Атамбаевтың кандидатурасын қарауда, деп хабарлайды Kazakhstan Today тілшісі.
Депутаттардың өтінішімен бүгін Қырғызстан президенті Құрманбек Бакиев парламентте сөз сөйледі. Өз сөзінде ол үкіметті бар-жоғы 2 ай басқарған бұрынғы үкімет басшысы Изім Исабековтың жұмысына жақсы баға берді. Мемлекет басшысы И.Исабековтың білімі мен тәжірибесі үкіметте қолданыс табады дегенге сенім білдірді.
А.Атамбаевты үкімет басшысы қызметіне ұсынуды Қ.Бакиев "оппозицияға қарай жасалған қадам" деп атады.
"Ол өзін беделді демократ әрі нарық білгірі ретінде таныта білді, бұл қызметті ол лайықты атқара алады деп сенемін",- деп мәлімдеді Қырғызстан президенті.
Өз кезегінде А.Атамбаев билік пен оппозиция арасындағы көпір болғысы келетінін атап өтті.
"Мен бұл қадамға елдің бірлігін сақтау үшін барып отырмын",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қырғызстан парламенті үкімет басшысы қызметіне Алмазбек Атамбаевтың кандидатурасын қарауда
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.