БИШКЕК. 27 октября. Kazakhstan Today. Қырғызстан президенті Құрманбек Бакиев парламентті мерзімнен бұрын тарату туралы референдум өткізу мүмкіндігі жөнінде мәлімдеме жасады, деп хабарлайды елбасының баспасөз қызметіне сілтеме жасап Kazakhstan Today агенттігінің тілшісі.
Жұмыс сапары барысында Жалал-Абад облысының тұрғындарымен кездескен Қ. Бакиев, " Егер 20 қарашаға дейін жогорку кенешпен конституциялық реформаларға қатысты ортақ шешімге келмесек, желтоқсан айында мәселе референдумға шығарылады",-деді. "Президент, референдумға парламент мәселесінің де шығарылуы мүмкіндігін жоққа щығармайды",-дейді баспасөз қызметінің өкілдері.
Қ .Бакиев, осыдан бір ай бұрын парламентке Конституцияға қатысты үш жобаның түскенін айтады. Алайда, осы күнге дейін парламентте ол құжаттар қаралған жоқ, дейді президент. Баспасөз қызметінің айтуынша, елбасы 30 қазанда парламентте, конституциялық реформаға және елдегі қоғамдық-саяси жағдайға қатысты баяндама жасайтынын хабарлаған.
Қырғызстан заңына сәйкес, президент қазіргі парламентті референдумның нәтижесіне сәйкес мерзімінен бұрын таратып жіберуге құқылы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қырғызстан президенті парламентке мерзімнен бұрын таратамын деп сес көрсетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.