Қырғызстан президентінің сайлауы 2009 жылғы күзде өтеді
Қырғызстан президентінің сайлауы 2009 жылғы күзде өтеді
Бішкек. 19 наурыз. "Қазақстан Бүгін" - Қырғызстан президентінің сайлауы 2009 жылғы күзде өтеді. Қырғызстан Конституциялық сотының осындай шешімін бүгін Қырғызстан Конституциялық сотының төрайымы Светлана Сыдыкова мәлім етті, деп хабарлайды "Қазақстан Бүгін" агенттігінің тілшісі.
Конституциялық соттың шешімімен, келесі президент өз қызметіне 2009 жылдың 25 қазанына дейін кірісуге тиіс. Ал сайлауды дәл қашан өткізуді Қырғызстан парламенті анықтауға тиіс. Қырғызстан Конституциялық соты бұл шешімді елдің Ата заңының 2003 жылғы редакциясына сәйкес қабылдады. Сөйтіп президент сайлауы осы күзде өтуге тиіс.
Қырғызстан парламенті депутаттарының айтуынша, Сайлау Кодексінде парламент кезекті президент сайлауын сайлау күніне дейін төрт ай бұрын тағайындайды.
Бұдан бұрын да хабарлағанымыздай, Құрманбек Бакиев 2005 жылдың 10 шілдесінде Қырғызстан президентіне сайланды. Ағымдағы жылдың 11 ақпанында өткен баспасөз мәслихатында ол Қырғызстан Конституциялық сотының келесі президент сайлауын өткізу жөніндегі кез-келген шешімімен келісетінін мәлімдеген. Ол сонымен бірге жаңа президенттік мерзімге сайлауға түсетінін жеткізді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.