БІШКЕК. 18 сәуір. Kazakhstan Today. Қырғызстан СІМ Бішкек декларациясын дайындау үстінде. Құжат Шанхай Ынтымақтастық ұйымының саммитінде қабылданатын болады,-деп хабарлайды Қырғыз республикасының СІМ баспасөз қызметінен.
Министрліктің хабарлауынша, ШЫҰ мүше-елдердің мемлекет басшылары кеңесінің кезекті мәжілісін өткізумен байланысты барлық ұйымдастыру мәселелерін шешу үшін арнайы жұмыс тобы құрылған. Қазіргі кезде жұмыс тобы ШЫҰ Бішкек саммитінің күн тәртібін дайындап, қол қойылатын құжаттарды жинастыруда.
"Бішкек декларациясы-саяси қорытынды құжатты дайындау ісі мәресіне жетіп келеді. Алдын-ала жасалған бағдарлама мен саммиттің сценариі әзірленді. Қырғызстанның мүдделі министрліктері мен ведомстволарының қатысуымен ұйымдастыру-хаттамалық және маңызды мәселелер шешілу үстінде",-деп хабарлайды Қырғызстанның СІМ баспасөз қызметінен.
Министрлік ШЫҰ мүше-елдерімен келісімнің жобасын жасады. Ол ұзақ мерзімді тату көршілік, достық және ынтымақтастық туралы келісім. Қырғызстанның СІМ ШЫҰ мүше -елдер сыртқы істер министрлерінің кеңесі мәжілісінің мерзімін келісуге кірісті. Ереже бойынша ол ШЫҰ саммитінен бір ай бұрын өтеді. СІМ кеңесінің аясында ШЫҰ мүше-елдерінің басшылар саммитінде қаралатын күн тәртібі түбегейлі бекітіледі. Сонымен қатар, ел басшылары қол қоятын құжаттардың тізімі жинақталады. ШЫҰ саммиті 2007 жылдың 16 тамызында Бішкекте өтеді деп жоспарланған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қырғызстан СІМ ШЫҰ саммитінде қабылданатын қорытынды құжатты дайындау үстінде
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.