Қырғызстанда электр қуатының тарифтері көтеріледі
Қырғызстанда электр қуатының тарифтері көтеріледі
Бішкек. 9 қаңтар. "Қазақстан Бүгін" - Қырғызстанда электр қуатының тарифтері тағы да көтеріледі. Бұл туралы баспасөз мәслихатында Қырғызстан Республикасының өнеркәсіп, энергетика және отын ресурстары министрінің орынбасары Ақылбек Төменбаев құлағдар етті, деп хабарлады агенттік тілшісі.
"Биылғы жылы сәуір айында электр қуатының тарифтері 30% дейін көтеріледі",- деп хабарлады А. Төменбаев.
А.Төменбаев атап өткеніндей, елде газ, көмір, қара май құнының қымбаттауы электр қуаты бағасының көтерілуіне соқтырды.
Биылғы жылы Өзбекстаннан жіберіліп отырған бір мың текше метр газ құны $145 құраса, былтыр оның бағасы $100 болған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.