Қырғызстанда "Хизб ут-Тахрир" саяси күрес тәсілдеріне көшуде - Қырғызстан ұлттық қауіпсіздік комитеті
Қырғызстанда "Хизб ут-Тахрир" саяси күрес тәсілдеріне көшуде - Қырғызстан ұлттық қауіпсіздік комитеті
Бішкек. 14 желтоқсан. "Қазақстан Бүгін" - Қырғызстанда радикалдық-экстремистік "Хизб ут-Тахрир" ұйымы саяси күрес тәсілдеріне көшуде, деп хабарлайды агенттік тілшісі, Қырғызстан республикасының мемлекеттік ұлттық қауіпсіздік комитетінің (МҰҚК) баспасөз қызметіне сілтеме жасай отырып.
Баспасөз қызметінің ақпараты бойынша, Нарында 12 желтоқсанда "Интурист" мейманханасының қасынан жергілікті үш тұрғын ұсталып, олардан үнпарақтар және биліктің демократиялық институттарын қолдамай, қоғамда ислам заңдарын орнықтыруға қолғабыс жасайтын депутаттарға дауыс беруге шақыратын жинақы-табақшалары тәркіленді. Таратылуға дайындалған материалдарына "парламенттің сайлауына қатысудың шариғаттық шарттары" деген мазмұн берілген.
"Үнпарақтар мен бейне-материалдарында діни көзқарастағы жеке саяси партиялардың үгіт-насихаты айтылған", - деп хабарлайды ҚҰҚК баспасөз қызметі. "Мұндай жағдай діни радикалық экстермистік "Хизб-ут-Тахрир" ұйымының халифатты орнату үшін саяси күрес тәсіліне көшкендігін дәлелдейді", - дейді Қырғызстанның күш құрылымдары.
Мемлекеттік комитеттің мәліметтері бойынша, тыйым салынған ұйым белсенділерін құрықтау барысында, олар күшті қарсылық көрсетті. Құқық қорғау офицерлерінің бірі дене жарақатын алды. Бүгінгі күні ұсталғандарға қатысты қылмыстық іс қозғау мәселесі шешілуде.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.