Қырғызстанда Ресейдің екінші әскери базасын салу мәселесі парламент сайлауынан кейін қарастырылады
Қырғызстан өкілі Қырғызстанның оңтүстігінде Ресейдің екінші әскери базасын салу мәселесін осы елдің бұрынғы басшылығы да талқыға салғанын, алайда, ол кезде бұл мәселенің өз жалғасын таппағанын еске салды.
Алматы. 13-шілде. Kazakhstan Today Қырғызстанда Ресейдің екінші әскери базасын салу мәселесін басшылық парламент сайлауынан кейін қарастырады. Бұл туралы дүйсенбі күні Мәскеуде өткен брифингте Ресей Федерациясындағы Қырғызстан істері бойынша уақытша сенімді өкіл Ұлықбек Чиналиев мәлімдеді, деп хабарлайды Kazakhstan Today агенттігі "РосБизнесКонсалтинг" (РБК) АА-не сілтеме жасай отырып.
Қырғызстан өкілі Қырғызстанның оңтүстігінде Ресейдің екінші әскери базасын салу мәселесін осы елдің бұрынғы басшылығы да талқыға салғанын, алайда, ол кезде бұл мәселенің өз жалғасын таппағанын еске салды.
Ұ. Чиналиев сондай-ақ, Қырғызстанның қарызы есебінен "Дастан" зауытының акцияларын Ресейге беру жөніндегі келіссөздер жалғасуда екенін атап көрсетті. Алғашында, компанияның Қырғызстанға тиесілі 48 пайыздық акциясы Ресейге беріледі деп жоспарланған. Алайда, кейінірек, мемлекетке ол компанияның тек 37 пайызы ғана тиесілі екені анықталып, Қырғызстан өз міндеттемелерін орындай алмаған. Бұл мәселе парламент сайлауынан, үкіметтің тағайындалуынан және билік түбегейлі заңдастырылғаннан кейін ғана шешілуі мүмкін, деп атап көрсетті Ұ. Чиналиев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.