Қырғызстанда жаппай тәртіпсіздікті ұйымдастырды деген күдіпен белгілі саясаткер ұсталды
Баспасөз қызметінің хабарлауынша, Жалал-Абад облысындағы комендант Қубатбек Байболов, "бұл адамның республикадағы белгілі адам екендігін, оның аты-жөні тергеу мүддесі үшін жария етілмейтіндігін", айтты.
Бішкек. 14-маусым. Kazakhstan Today - Қырғызстанда Жалал-Абад облысындағы жаппай тәртіпсіздікті ұйымдастырды деген күдіпен белгілі саясаткер ұсталды, деп хабарлайды Kazakhstan Today агенттігі ҚР уақытша үкіметінің баспасөз қызметіне сілтеме жасай отырып.
Баспасөз қызметінің хабарлауынша, Жалал-Абад облысындағы комендант Қубатбек Байболов, "бұл адамның республикадағы белгілі адам екендігін, оның аты-жөні тергеу мүддесі үшін жария етілмейтіндігін", айтты.
Баспасөз қызметінің мәліметтеріне сүйенсек, ұсталған азаматтың үстінен қылмыстық іс қозғалған. Қазіргі уақытта ол өз кінәсін мойындап отыр. "Ол облыстағы жаппай тәртіпсіздікке қатысы бар жекелеген белгілі тұлғалардың аттарын да атады",- деп хабарлады баспасөз қызметінен.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.