Қырғызстандағы ахуал Шанхай ынтымақтастығы ұйымы елдерінің Ташкентте өтетін сыртқы істер министрлерінің отырысындағы бір басты тақырыпқа айналады
Қырғызстандағы ахуал Шанхай ынтымақтастығы ұйымы елдерінің Ташкентте өтетін сыртқы істер министрлерінің отырысындағы бір басты тақырыпқа айналады
Алматы. 20 мамыр. Kazakhstan Today - Қырғызстандағы ахуал Шанхай ынтымақтастығы ұйымы елдерінің Ташкентте 22 мамырда Өзбекстанның төрағалығымен өтетін сыртқы істер министрлері кеңесінің отырысындағы бір басты тақырыпқа айналады. Бұл туралы РФ СІМ-нің ресми өкілі Андрей Нестеренко кеше мәлім етті, деп хабарлайды Kazakhstan Today "РосБизнесКонсалтинг" (РБК) агенттігіне сілтеме жасап.
"Шанхай ынтымақтастығы ұйымының негізін қалаушы елдердің бірі - Қырғызстандағы ахуал Орталық Азия өңіріндегі тұрақтылықта аса маңызға ие. Сол себепті Қырғызстандық серіктестерге Шанхай ынтымақтастығы ұйымының желісі бойынша қажетті қолдау көрсету шаралары талқыланады деп жоспарлануда", -деді А. Нестеренко.
Оның айтуынша, "бұған дейін қабылданған тәжірибеге сәйкес, сонымен бірге кездесуге қатысушылар 2010 жылдың маусым айында Ташкентте өтетін Шанхай ынтымақтастығы ұйымы елдері мемлекет басшылары кеңесінің отырысына дайындық мәселесіне де баса назар аударатын болады".
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.