Қырғызстандағы Қазақстан елшісі уақытша үкіметтің төрайымына Бакиевтің отставкаға кететіні туралы мәлімдеменің түпнұсқасын табыс етті
Қырғызстандағы Қазақстан елшісі уақытша үкіметтің төрайымына Бакиевтің отставкаға кететіні туралы мәлімдеменің түпнұсқасын табыс етті
Бішкек. 16 сәуір. Kazakhstan Today - Қырғызстандағы Қазақстан елшісі уақытша үкіметтің төрайымы Роза Отунбаеваға Қырғызстан президенті Құрманбек Бакиевтің отставкаға кететіні туралы мәлімдеменің түпнұсқасын табыс етті. Бұл туралы бүгін өткен баспасөз мәслихатында Қырғызстанның уақытша үкіметі аппаратының жетекшісі Эдиль Байсалов мәлімдеді, деп хабарлайды Kazakhstan Today.
"Бүгін таңертең Қырғызстанның уақытша үкіметінің төрайымы Роза Отунбаева Қырғызстандағы Қазақстан елшісімен және Бішкектегі ЕҚЫҰ орталығының жетекшісімен кездесті, олар оған Қырғызстан президенті Құрманбек Бакиевтің отставкаға кететіні туралы мәлімдеменің түпнұсқасын табыс етті ", - деді Э. Байсалов.
Сондай-ақ, оның хабарлауынша, Қ. Бакиев Қазақстанның Қорғаныс министрлігіне қарасты Ан-26 ұшағымен Қырғызстанды тастап шықты. Ол сонымен қатар Қ.Бакиевтің Қырғызстаннан шығуы ЕҚЫҰ, ЕО, БҰҰ мен әлемдік державалардың басшыларының араласуымен жүзеге асырылды деп атап өтті.
"Бұл халықаралық деңгейде жоспарланған және келісілген науқан болды", - деп мәлімдеді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.