Қырғызстанның бұрынғы президентінің қызы қайтадан парламент депутаттығына сайлауға түседі

БІШКЕК. 12-наурыз. Kazakhstan Today. Қырғызстанның бұрынғы президентінің қызы Бермет Ақаева республика парламентінің депуттатығына үміткер ретінде тіркелу үшін құжаттар тапсырды, деп хабарлайды Kazakhstan Today агенттігінің тілшісі Қырғызстан Республикасының Орталық сайлау комиссиясының баспасөз қызметіне сілтеме жасай отырып.

Баспасөз қызметінің мәліметтеріне сүйенсек, № 57 Кемин сайлау округі бойынша 8 адам, оның ішінде бұрынғы президенттің қызы дауысқа түседі. Б. Ақаева жұмыс орны ретінде "Саяси класс" журналының бас редакторының кеңесшісі" деп көрсеткен.

Бұрынғы мемлекет басшысының қызы өз ағасы Айдар Ақаевтың 2005 жылдың ақпан-наурыз айларында парламент депутаты болып сайланған округ бойынша өзін өзі ұсыну жолымен сайлауға түспек. Бермет Ақаеваның өзі де өткен парламент сайлауында № 1 Университеттік округ бойынша депутат болып сайланған болатын. Бірақ, республикада басшылық ауысқаннан кейін бұрынғы президент Асқар Ақаев пен оның отбасы мүшелері республиканы тастап шығып, ал бұрынғы мемлекет басшысының балалары депутаттық өкілеттіліктен айрылған болатын. Содан бері Қырғызстанға тек Бермет Ақаева ғана келген, ал отбасының басқа мүшелері республика аумағында болу қаупті деп санайды.

Қазір депуттаттар әртүрлі себептерге байланысты өздерінің өкілеттілігінен айрылған округтер бойынша қосымша сайлау жоспарлануда.

Еуропалық Одақ Еуразиялық мемлекеттік қызметкерлерді оқыту орталығын құрауға көмек көрсету жөніндегі жобаны аяқтады

АСТАНА. 12-наурыз. Kazakhstan Today. Еуропалық Одақ Қазақстанға Еуразиялық мемлекеттік қызметкерлерді оқыту орталығын құрауға көмек көрсету жөніндегі жобаны аяқтады, деп хабарлайды Kazakhstan Today агенттігінің тілшісі.

"Біз осы жобаны жүзеге асыру арқылы Қазақстанға әкімшілік реформа жүргізуге көмек көрсете алатындығымызға қуаныштымыз",- деді бүгін ЕО жобасының ойдағыдай жүзеге асуының құрметіне қойылған ескерткіш тақтаның салтанатты ашылуында сөз алған Еуропалық Одақтың елшісі Адриан ван дер Меер. Ол сонымен қатар, ЕО Қазақстанға мемлекеттік қызмет көрсету стандарттарын әзірлеуге көмек көрсетуді н жалғастыра беретінін атап өтті. Аталмыш жоба 2007 жылдың аяғына дейін есептелген.

Қазақстан Республикасының мемлекеттік қызметтер ісі жөніндегі агенттігінің төрағасы Зауытбек Тұрысбеков, Еуразиялық оқу орталығын ашу тек Қазақстан үшін ғана емес, барлық еуразиялық кеңістік үшін де өте маңызды болып табылатындығын атап өтті. Оның ақпараттарына сүйенсек, қазіргі уақытта орталықта 2 мыңнан астам мемлекеттік қызметкер, соның ішінде Қырғызстан, Тәжікстан, Изербайжан және Ресейде келген қызметкерлер білімдерін шыңдаған. Сонымен қатар З. Тұрысбеков, "орталықта барлық деңгейдегі барлық қазақстандық мемлекеттік қызметкерлерді оқыту жобаланып отырғандығын", атап көрсетті.

Еуропалық Одақ Мемлекеттік қызметтер ісі жөніндегі агенттікпен 1994 жылдан бері ынтымақтастық орнатқан. Атап айтқанда, Еуроодақ TACIS бағдарламасы аясында мемлекеттік реформалар жүргізуге көмек көрсеткен, 2003 жылдан бері Еуразиялық мемлекеттік қызметкерлерді оқыту орталығын құруға қолдау көрсетіп келеді. Аталған екі жобаның жалпы бюджеті 1 700 000 евроны құрайды. Еуропалық Одақ 2005 жылдың қазан айынан бастап жалпы бюджеті 1 600 000 евроны құрайтын "Мемлекеттік қызмет көрсету стандарттарын әзірлеуге көмек көрсету" жобасын іске асырып келеді.