Қырғызстанның бұрынғы сыртқы істер министрі Шанхай ынтымақтастығы ұйымының бас хатшысы болып тағайындалды
Қырғызстанның бұрынғы сыртқы істер министрі Шанхай ынтымақтастығы ұйымының бас хатшысы болып тағайындалды
Алматы. 3 желтоқсан. Kazakhstan Today - Қырғызстанның бұрынғы сыртқы істер министрі Мұратбек Иманалиев Шанхай ынтымақтастығы ұйымының бас хатшысы болып тағайындалды, деп хабарлайды Kazakhstan Today ресми БАҚ-тарға сілтеме жасап.
М. Иманалиевтің кандидатурасын Шанхай ынтымақтастығы ұйымына мүше барлық мемлекеттердің ресми өкілдері мақұлдады.
Жаңадан тағайындалған бас хатшы 2010 жылдың қаңтарында өз міндетін атқаруға кіріседі.
М. Иманалиев 1956 жылдың 25 ақпанында Фрунзе қаласында туған. 1978 жылы Мәскеу Мемлекеттік университетінің Азия және Африка елдері институтын бітірген, тарихшы-шығыстанушы, қытай тілінің референт-тәржімашысы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.