Қырғызстанның Ош облысында спирттік ішімдіктерді сатуға тыйым салынды
"24.kg" агенттігінің хабарлауынша, Қырғызстанның Ош облысының комендантының бұйрығымен 2010 жылдың 10 тамызына дейін төтенше жағдай жарияланған аумақ шеңберінде спирттік ішімдіктерді сатуға тыйым салынған.
Алматы. 30-маусым. Kazakhstan Today Қырғызстанның Ош облысының комендантының бұйрығымен 2010 жылдың 10 тамызына дейін төтенше жағдай жарияланған аумақ шеңберінде спирттік ішімдіктерді сатуға тыйым салынды. Дүйсенбіде өңір коменданты Курсан Асанов осындай шешімді жариялады, деп хабарлайды Kazakhstan Today агенттігі "24.kg" ақпарат агенттігіне сілтеме жасай отырып.
"24.kg" агенттігінің хабарлауынша, Қырғызстанның Ош облысының комендантының бұйрығымен 2010 жылдың 10 тамызына дейін төтенше жағдай жарияланған аумақ шеңберінде спирттік ішімдіктерді сатуға тыйым салынған.
Өңірлік комендатураның хабарлағанындай, мұндай шешім жергілікті халықпен қатар, қақтығыстар орын алуы ықтимал аймақтарды қадағалайтын милиция қызметкерлерінің де көптеген өтініштеріне сәйкес қабылданған.
К. Асанов сонымен бірге, оңтүстік астана мен Ош облысында тәртіптің қалпына келуімен айналысып жатқан милиция органдарының жеке құрамын "заң бұзған немесе босқындармен, зардап шегушілермен қатаң қатынасқан ішкі істер органдары қызметкерлеріне тек жеке жауапкершілік жүктелмейтінін, сондай-ақ, қылмыстық жауапкершілік артылатынын қатаң ескертті.
Естеріңізге сала кетсек, төтенше жағдай режимі мен коменданттық сағат Жалал-Абад облысында, Ош облысының Ош және Үзген қалалары мен Қара-Сууй және Араван аудандарында 2010 жылдың 27 маусымынан бастап ұзартылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.