Қырғызстанның президенті өзінің партиясын құрмақшы
Қырғызстанның президенті өзінің партиясын құрмақшы.
Бішкек. 19 қыркүйек. "Қазақстан Бүгін" - Қырғызстанның президенті Құрманбек Бакиев өзінің партиясын құрмақшы.
"Мен жаңа саяси партия - жасампаз партия, жауапты партия, іс-әрекеттер партиясын құрып, қолдауға шешім қабылдадым",- деп мәлім етті бүгін мемлекет басшысы Қырғызстан халқына арнаған жолдауында , деп хабарлайды "Қазақстан Бүгін" агенттігінің тілшісі.
Құрманбек Бакиев партияның нақты атауын атамады, бірақ ол оның көмегімен Қырғызстанды "халық орташа әлемдік кірісі бар, демократиялық дамыған елдер қатарына" бастайтын міндеттерді атқармақ ниетте екендігін атап өтті.
Қырғызстанның елбасы, ұзақ уақыттан бері саяси партияларға қатысты бейтарап көзқарас ұстанып жүргендігін атап көрсетті. Президенттің айтуынша, ол қандай да бір саяси күш оның идеяларын қолдайды, ал коалициондық негізде құрылған үкімет оларды жүзеге асыра алады, деп үміттенген. "Мен қазіргі партиялардың елдегі жағдай үшін жауапкершілікті өздеріне жүктеп алмайтындығын және тек биліктің қателіктерін сынап-мінеумен ғана айналысатындығын көріп отырмын",- деп атап көрсетті.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.