Қырғызстанның тезірек Кеден одағына кіргенін қалаймыз
Қырғызстанның тезірек Кеден одағына кіргенін қалаймыз, - деп мәлім етті бүгін Елбасы Нұрсұлтан Назарбаев Қазақстан мен Қырғызстан Жоғары мемлекетаралық кеңесінің үшінші отырысынан кейін.
Бішкек. 22-тамыз. Kazakhstan Today - Қырғызстанның тезірек Кеден одағына кіргенін қалаймыз, деп хабарлайды Kazakhstan Today агенттігінің тілшісі.
Қырғызстанның тезірек Кеден одағына кіргенін қалаймыз, - деп мәлім етті бүгін Елбасы Нұрсұлтан Назарбаев Қазақстан мен Қырғызстан Жоғары мемлекетаралық кеңесінің үшінші отырысынан кейін.
"Бүкіл Еуропа қиын жағдайда. Қазіргі уақытта еуропалық банктерден инвестиция күту мүмкін емес. Солардың өздерінде де жағдай осындай. Американдық банктер де бере алмайды. Сондықтан да бұл жердегі өзара көмек - ең басты мәселе. Біз Қырғызстанның тезірек Кеден одағының мүшесі болғандығын қалаймыз. Сонда барлық мәселелер жеңіл шешіледі", - деді Мемлекет басшысы.
Сонымен қатар, сөз соңында Елбасы елде тыныштық орнап, басшыларға жұмыс істеуге мүмкіндік беру керектігіне назар аудартты. "Барлық қырғыз халқы бір үкіметтің, бір басшының төңірегіне топталмаса, ештеңе болмайды. Мемлекеттер жерінің көлемімен үлкен болмайды, сол жерде жұмыс істейтін адамдарымен үлкен. Мәселен, Шыңғыс Айтматовты кім білмейді. Сол арқылы қырғызды біледі. Сол сияқты, өзіңіз айтқандай, Олимпиада чемпиондары қазақтың жалауын 7 рет көтеріп, әнұранын ойнатқанда, Қазақтың әнұраны Лондонда брендке айналды", - деді Н.Назарбаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.