Қырғызтан 2008 жылы мерзімінен бұрын өтетін президент сайлауына дайындық жұмыстарын бастап кетті - сарапшы
Қырғызтан 2008 жылы мерзімінен бұрын өтетін президент сайлауына дайындық жұмыстарын бастап кетті - сарапшы
Бішкек. 7-желтоқсан. "Қазақстан Бүгін" - Қырғызтанда 16-желтоқсанда өтетін парламент сайлауы - республикадағы түбегейлі өзгерістің бастамасы, деп санайды Саясаттанушылар қауымдастығының төрағасы Нұр Омаров.
Оның пайымдауынша, келесі кезең Министрлер кабинетін құру, ал одан кейін үкіметтің құрылымдық өзгеруі болады. "Үкіметте маңызды құрылымдық өзгеріс болады деп жоспарлануда. Министрлер санын екі есеге азайтып, жаңа мекеме құру көзделген",- деп хабарлады агенттік тілшісіне Н. Омаров.
Оның пайымдауынша, бұл өзгерістер мерзімінен бұрын президент сайлауын өткізуге бағытталған. Саясаттанушының пікіріне сүйенсек, істің бұлай өрбуі Конституцияға сәйкес президент сайлауы 2010 жылы өтетін болса, елде жаппай тоқыраушылық орнап, Бакиевтің билікті ұстап қалуы өте қиынға соғады. "Сондықтан да келер жылы 2008 жылдың жазында мерзімінен бұрын сайлау өткізуге себеп табылатын болады, Бакиевті жақтайтын парламент мұны заңмен бекітіп, президенттің өкілеттілік мерзімін 5-тен 7 жылаға дейін ұзартуы мүмкін",- деп атап өтті сарапшы. Осы өзгерістер жүзеге асырылған жағдайда Құрманбек Бакиев билік басында тағы 14 жыл, яғни 2015 жылға дейін қалады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.