АСТАНА. 7-тамыз. Kazakhstan Today. Өткен аптада Сингапурда осы елдің бір топ кәсіпкерлерінің Қазақстанға келетін сауда миссиясының ресми тұсаукесері өткізілді. Миссия өкілдері 10-16-қыркүйекте елімізге келеді деп күтілуде. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің баспасөз хатшысы Ілияс Омаров құлағдар етті,- деп хабарлайды Kazakhstan Today тілшісі.
Оның айтуынша, шараны Қазақстан Республикасының Сингапурдағы дипломатиялық миссиясы Сингапурдың өнеркәсіпшілерінің Федерациясымен және Сингапур сауда және индустрия министрлігінің сыртқы сауда бөлімімен бірлесе ұйымдастырды.
І.Омаровтың айтуынша, тұсаукесер барысында "Сингапурдың іскерлік бірлестіктері мен компанияларының өкілдері осы ел кәсіпкерлерінің алдағы уақытқа Алматы мен Астанаға межеленген сапары екі жақты қарым-қатынастардың дами түскеніне дәлел болатынын атап өтті". Бұл сапар Қазақстан мен Сингапур арасындағы сауда-экономикалық байланыстарды одан әрі дамытуға тың серпін береді дегенге сенім білдіреміз, деді өкілдер.
Қыркүйекте Сингапурлық кәсіпкерлер елімізге келмекші
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.