АСТАНА. 11-қыркүйек. Kazakhstan Today. Қыркүйектің аяғына межеленген Оңтүстік Корея үкімет басшысы Хан Мен Суктың Қазақстанға сапары аясында бизнес-форум өтеді, онда Оңтүстік Кореяның телекоммуникациялық технологиялар саласындағы жаңаша мүмкіндіктерінің тұсаукесері жасалады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
"Корея үкімет басшысының сапары барысында еліміздің саяси басшылығымен кездесулер өткізіледі",- деді Е.Ашықбаев.
"Сапар Қазақстан мен Оңтүстік Корея арасындағы белсенді саяси диалогты одан әрі жалғастыруға бағытталады. Оның негізі Қазақстан президенті Нұрсұлтан Назарбаевтың Оңтүстік Корея республикасына 2003-жылы, Корея Республикасының президенті Но Му Хеннің Қазақстанға 2004-жылы жасаған сапарлары кезінде қаланды",- деді СІМ өкілі.
Бұдан бұрын да хабарлағанымыздай, 21-24-қыркүйекте республика үкімет басшысы Даниал Ахметовтың шақыруымен Корея үкімет басшысы Хан Мен Сук елімізге ресми сапармен келеді.
"Бұл Корея үкімет басшысы деңгейінде Қазақстанға жасалатын тұңғыш сапар",- деді Е.Ашықбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қыркүйектің аяғына межеленген Оңтүстік Корея үкімет басшысының Қазақстанға сапары аясында бизнес-форум өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.