Кишиневте 9 қазанда ТМД үкімет басшыларының отырысы өтеді - ҚР СІМ
Кишиневте 9 қазанда ТМД үкімет басшыларының отырысы өтеді - ҚР СІМ
Астана. 5 қазан. Kazakhstan Today - Кишиневте 9 қазанда ТМД үкімет басшыларының отырысы өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today.
Отырыс барысында қатысушылар қаржы-экономикалық дағдарыс салдарына қарсы ортақ шаралар қабылдау, сондай-ақ Ұлы Отан соғысындағы жеңістің 65 жылдығын атап өту және осыған қатысты әлемдік қауымдастыққа және ТМД-ға мүше елдер халқына арналған Үндеу және 2010 жылды ТМД кеңістігінде Ұлы Отан соғысы ардагерлері жылы деп атау туралы шешім қабылдау мәселелерін қарастырмақ.
Сондай-ақ, ҚР СІМ хабарлауынша, 8 қазанда Кишинев қаласында ҚР Мемлекеттік хатшысы-Сыртқы істер министрі Қ. Саудабаев бастаған қазақстандық делегация ТМД-ға мүше мемлекеттердің Сыртқы істер министрлері кеңесінің кезекті отырысына қатысады.
Кеңес күн тәртібінде ТМД жұмысын жетілдіру, ынтымақтастықтың келісім-шарттық негізін инвентаризациялау, ТМД құрылымдары шешімдерінің жүзеге асыру сынды 20-дан аса мәселелер қаралады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.