Қытай Хоргос-Жетіген теміржолының одан әрі салынуын қаржыландырады
"ҚХР төрағасының өткен аптадағы Қазақстанға сапары барысында елбасы Хоргос-Жетіген құрылысы мен осы жобаға қатысты инфрақұрылымдарды жеделдетуге қаржы бөлу туралы екіжақты келісім шартқа қол жеткізді",- деп хабарлады К. Мәсімов.
Астана. 14-маусым. Kazakhstan Today - Қытай Хоргос-Жетіген теміржолының одан әрі салынуын қаржыландыруға және де осы жоба аясындағы тиісті инфрақұрылымдарды құруға өз келісімін берді. Бұл туралы бүгін үкіметтің кеңейтілген отырысы барысында ҚР премьер-министрі Кәрім Мәсімов мәлім етті, деп хабарлайды Kazakhstan Today агенттігі.
"ҚХР төрағасының өткен аптадағы Қазақстанға сапары барысында елбасы Хоргос-Жетіген құрылысы мен осы жобаға қатысты инфрақұрылымдарды жеделдетуге қаржы бөлу туралы екіжақты келісім шартқа қол жеткізді",- деп хабарлады К. Мәсімов.
Осыған байланысты ол Индустрия және жаңа технологиялар министрлігіне, "Самұрық-Қазына" ҰИҚ және Талдықорған қаласының әкіміне аталмыш жобаны тез іске асыруды тапсырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.