АСТАНА. 13-қазан. Kazakhstan Today. Қытай Қазақстанмен арадағы мұнайгаз саласындағы ынтымақтастықты нығайтудан мүдделі. Бұл туралы елімізде жұмыс сапарымен жүрген Бүкілқытай халық өкілдері жиналысының сыртқы байланыстар жөніндегі комитетінің төрағасы Цзян Эньчжу бүгін еліміз парламенті сенатының төрағасы Нұртай Ибіқаевпен кездесу барысында мәлімдеді, деп хабарлайды Kazakhstan Today тілшісі.
Кездесу барысында Ц. Эньчжу ағымдағы жылдың соңына қарай жоспарланған Қазақстан президентінің Қытай Халық Республикасына сапарына өте жоғары мән беретінін атап өтті. Оның сөзіне қарағанда, бұл шара Қазақстан мен Қытай арасындағы ынтымақтастықтың барлық салада жандана түсуіне септігін тигізеді.
Жүздесу барысында сенат төрағасы қытайлық әріптестерінің сапарын мемлекеттер арасындағы парламентаралық байланыстардың нығаюына, халықтар арасындағы достық пен ынтымақтастықтың дамуына қосар үлесі мол екенін атап өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қытай Қазақстанмен арадағы мұнайгаз саласындағы ынтымақтастықты нығайтудан мүдделі
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.