Қытайдың жаңа басшысы Қазақстанмен екіжақты қарым-қатынасты нығайта түспек
ҚР Премьер-Министрі Серік Ахметов ШЫҰ Үкімет басшылары кеңесі шеңберінде ҚХР Мемлекеттік Кеңесінің Премьері Вэнь Цзябаомен кездесті.
Бішкек. 6-желтоқсан. Kazakhstan Today - Қытайдың жаңа басшысы Қазақстанмен екіжақты қарым-қатынасты нығайта түспек, деп хабарлайды Kazakhstan Today агенттігінің тілшісі.
ҚР Премьер-Министрі Серік Ахметов ШЫҰ Үкімет басшылары кеңесі шеңберінде ҚХР Мемлекеттік Кеңесінің Премьері Вэнь Цзябаомен кездесті.
Иңгіме барысында С.Ахметов пен В.Цзябао Шанхай ынтымақтастық ұйымы шеңберіндегі Қазақстан-Қытай өзара әрекеттестігін дамыту мәселелерін талқылады.
Тараптар екі жақты сауда-экономикалық ынтымақтастықтың көкейкесті мәселелері бойынша пікір алмасты. В.Цзябао ҚХР Төрағасы Ху Цзиньтао мен ҚКП ОК Бас хатшысы Си Цзиньпиннің атынан ҚР Президенті Н.И.Назарбаевқа деген құттықтаулары мен ізгі тілектерін жеткізді.
"ҚР мен ҚХР арасында ұзақ жылдар бойы тығыз байланыс орнаған, әсіресе біздің елдеріміздің басшылары арасындағы іскер және достық қарым-қатынасты айырықша атап айтқым келеді", - деді кездесу барысында В.Цзябао. "Қытайдың жаңа басшылығы біздің екіжақты қарым-қатынастарымызды нығайтуға бағытталған жолды жалғастыратын болады", - деп жалғады сөзін ҚХР Мемлекеттік кеңес Премьері.
Өз кезегінде, С.Ахметов, сауда-экономикалық байланыстарды нығайту тақырыбын қозғай келіп, "тауар айналымының оң динамикасын сақтай отырып, оны 2015 жылға қарай 40 млрд. АҚШ долларына дейін жеткізу қажеттігін" атап өтті.
С.Ахметов пен В.Цзябао сондай-ақ, көлік, энергетика және мұнай-газ саласындағы өзара әрекеттестік туралы мәселелерді де талқылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.