АСТАНА. 16-мамыр. Kazakhstan Today. Мемлекет басшысы Нұрсұлтан Назарбаев Конституцияға енгізілетін түзетулермен мәслихат депутаттарының өкілеттілігі мерзімін төрттен бес жылға дейін арттыру және облыстар, республикалық маңызы бар қалалар мен Елордасының әкімдерін солардың келісімімен тағайындауды ұсынды, деп хабарлайды Kazakhstan Today тілшісі.
"Облыстар, республикалық маңызы бар қалалар мен Елордасының әкімдерін тиісті мәслихаттардың келісіміен тағайындау ұсынылуда",- деді бүгін Н.Назарбаев парламент палаталарының бірлескен отырысында "Қазақстан Республикасының конституциясына өзгерістер мен толықтырулар енгізу туралы" заң жобасын таныстыру барысында.
Мемлекет басшысы бұған қоса мәслихат тарапынан әкімге сенімсіздік таныту процедурасын жеңілдетуді ұсынды. Мәселен, жаңа заң жобасында қарастырылғанындай, "жалпы мәслихат депутаттарының бестен бір бөлігінен аз емес бөлігінің бастамасымен әкімге сенімсіздік таныту жөнінде мәселе көтеруге болады". "Мұндай жағдайда мәслихат жалпы депутаттардың басым бөлігінің дауысымен әкімге сенімсіздік білдіріп, не Қазақстан президентінің, немесе жоғары сатылы әкімнің алдына оны қызметтен босату туралы мәселе қоюға құқылы",- делінген заң жобасында.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Конституцияға енгізілетін түзетулермен мәслихат депутаттарының өкілеттілігін арттыру және әкімдерді солардың келісімімен тағайындау ұсынылған
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.