АСТАНА. 9-қазан. Kazakhstan Today. Көп партиялы жүйе - оппозициялық партиялар тарапынан биліктегі партиялардың іс-қызметін қатаң қадағалау деген сөз. Бұл туралы бүгін мәжіліс депутаты, "Отан" партиясы төрағасының орынбасары Дариға Назарбаева Қазақстан Республикасында демократиялық реформалар бағдарламасын әзірлеу және нақтылау жөніндегі мемлекеттік комиссияның Ү отырысында сөйлеген сөзінде мәлімдеді, деп хабарлайды Kazakhstan Today тілшісі.
"Көп партиялы жүйе, еркін саяси бәсекелестік - оппозициялық партиялар тарапынан биліктегі партиялардың іс-қызметін қатаң қадағалауды меңзейді",- деді ол.
"Оппоненттің сыбайлас жемқорлық пен билікті асыра пайдалануға жасаған кез-келген қадамы саяси текетірестің аргументіне айналып, биліктің өзгеруіне алып келуге тиіс",- деді ол. Д.Назарбаеваның пікірінше, мемлекеттік комиссияның міндеті - оппозициялық партиялардың осындай қоғамға қажетті "санитарлық іс-қызметіне" кедергі келтірмейтіндей заңдар мен тәртіптердің жиынтық жобасын жасауға саяды. "Саяси себептерге байланысты саяси қарсыластардың соңынан түсу, сайлау заңнамасымен ойнап, қолшоқпарға айналдыру мүмкіндіктері жойылуға тиіс",- деді ол.
"Заңның үстемдік құруы, еркін саяси бәсекелестік, кемелденген азаматтық қоғам - міне бұл өзіміз көздің қарашығындай сақтайтын құндылықтар. Осындай жағдайда ғана әрбіреуіміз мемлекеттік машина тарапынан жасалатын зорлық-зомбылық пен бассыздықтан қорғалатын боламыз",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Көп партиялы жүйе - оппозициялық партиялар тарапынан биліктегі партиялардың іс-қызметін қатаң қадағалау деген сөз
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.