Қостанай облысынан сенат депутатын сайлау 2010 жылғы 23 сәуірге тағайындалды
Қостанай облысынан сенат депутатын сайлау 2010 жылғы 23 сәуірге тағайындалды
Алматы. 10 ақпан. Kazakhstan Today - Қостанай облысынан сенат депутатын сайлау 2010 жылғы 23 сәуірге тағайындалды, деп хабарлайды Kazakhstan Today Қазақстан Республикасы Орталық сайлау комиссиясының 2010 жылғы 9 ақпандағы №171/321 "Қостанай облысынан Қазақстан Республикасы парламенті сенатының шығып қалған депутатының орнына сайлауды тағайындау туралы" қаулысына сілтеме жасап.
""Қазақстан Республикасындағы сайлау туралы" Қазақстан Республикасы Конституциялық заңының 12-бабының 13) тармақшасына, 69-бабының 1-тармағының 3) тармақшасына және 4-тармағына сәйкес Қазақстан Республикасы Орталық сайлау комиссиясы қаулы етеді: Қостанай облысынан Қазақстан Республикасы парламенті сенатының шығып қалған депутатының орнына сайлау 2010 жылғы 23 сәуірге тағайындалсын",- делінген қаулыда.
"Қостанай облысынан Қазақстан Республикасы парламенті сенатының шығып қалған депутатының орнына 2010 жылғы 23 сәуірге тағайындалған сайлауды әзірлеу мен өткізу жөніндегі негізгі іс-шаралардың күнтізбелік жоспары қосымшаға сай бекітілсін. Осы қаулы сайлауды ұйымдастыру мен өткізуді қамтамасыз ету үшін Қостанай облыстық сайлау комиссиясына жіберілсін",- делінген қаулыда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.