АСТАНА. 6-желтоқсан. Kazakhstan Today. ҚР ақпараттандыру және байланыс жөніндегі агенттігінің басшылығы Сингапурдың телекоммуникация саласындағы көшбасшысы - "Singapore Telecommunications" компаниясының өкілдерімен кездесті. Кездесу Сингапур Республикасының сауда және индустрия мемлекеттік министрі Ли И Шианнің Қазақстанға сапары аясында өтті, деп хабарлайды Kazakhstan Today тілшісі агенттіктің баспасөз қызметіне сілтеме жасап.
Кездесу барысында Сингапур жағы Қазақстанның телекоммуникация саласына қаржы жұмсаудан мүдделі екендіктерін білдірді. Сонымен бірге келіссөз кезінде қатысушылар екі елдің телекоммуникациялар нарығының ахуалын және телекоммуникация, ақпараттық технология саласындағы ынтымақтастық жолдарын талқылады.
Сондай-ақ, бүгін агенттік басшылығы Жапония халықаралық ынтымақтастық агенттігінің (Japan International Cooperation Agency) өкілдерімен кездесті. Жапония өкілдерінің өз әріптестеріне келу мақсаты JICA агенттігінің Қазақстанда "Біріктірілген логистикалық жүйелерді және контейнерлік тасымалдар жөніндегі маркетингтік іс-шаралар жоспарын әзірлеуді зерттеу" жобасын іске асыру мәселелерін талқылау болатын.
Кездесу барысында қазақстандық ақпараттандыру және байланыс саласының жағдайы және даму келешектері талқыланды. Жапония жағының өкілі Қазақстанда оның даму қарқыны жоғары екендігін айтып, бұл саланы дамыту үшін ақыл-кеңестер беруге мүдделілік танытты.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР Ақпараттандыру және байланыс агенттігінің басшылығы "Singapore Telecommunications" компаниясының өкілдерімен келешек ынтымақтастық жайын талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.