АЛМАТЫ. 22 - мамыр. Kazakhstan Today. Қазақстан Республикасының Конституциясына енгізілген түзетулер оң сипатта және елді одан әрі демократияландыруға бағытталған. Мұндай пікірін бүгін Алматыда өткен баспасөз мәслихатында Қазақстандағы АҚШ елшісі Джон Ордвей мәлім етті.
"Конституцияға енгізілетін түзетулердің жалпы топтамасы Қазақстанның демократиялануына бағытталған... Барлық түзетулер өте оң сипатқа ие",- деді Дж. Ордвей.
Сонымен қатар дипломат, елдің бірінші президенті мемлекет басшысы лауазымына шектеусіз дауысқа түсе алатындығын қарастыратын заң нормасы жалпы түзетулер қоржынынан алған әсерді сәл өзгертеді , деп атап өтті. "Президенттік мерзімін шектеу мәселесіне келсек, демакратиялау жөніндегі комиссиясында ұзақ уақыттар бойы талқыланған түзетулерден айырмашылығы, бұл түзету ең соңғы сәтте қабылданды. Дәл осы түзету жалпы түзетулер қоржынына қатысты оңды әсерден сәл назар ауытқытып жібереді",- деді Дж. Ордвей.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ҚР Конституциясына енгізілген түзетулер оң сипатта және демократиялануға бағытталған - елші Ордвей
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.