ҚР мемлекеттік хатшысы АҚШ қорғаныс министрінің көмекшісімен кездесті
ҚР мемлекеттік хатшысы АҚШ қорғаныс министрінің көмекшісімен кездесті
Астана. 31-қаңтар. "Қазақстан Бүгін" - Бүгін Ақордада Қазақстан Республикасының мемлекеттік хатшысы Қанат Саудабаев АҚШ-ның қорғаныс министрінің көмекшісі Митчелл Шиверспен кездесті, деп хабарлайды "Қазақстан Бүгін" агенттігінің тілшісі ҚР президентінің баспасөз қызметінің хабарламасына сілтеме жасай отырып.
Баспасөз қызметінің ақпараттарына сүйенсек, тараптар екі елдің қарулы күштерінің арасындағы өзара тығыз іс-қимыл Қазақ-Америка стратегиялық серіктестігінің аса маңызды әрі қарқынды салаларының бірі деп атап көрсетті.
"Қазақстанның Ауғанстандағы халықаралық коалиция жұмысына көрсеткен көмегі және Қазақстан мен АҚШ әскерилерінің бірлесе жаттығу өткізулерін қамnыған мұндай ынтымақтастық аймақтағы қауіпсіздік пен тұрақтылықты нығайтуда маңызды фактор болып табылады", - деп атап көрсеткен баспасөз қызметі.
Сонымен қатар, 2003 - 2008 жылдарға арналған бесжылдық екіжақты әскери-техникалық ынтымақтастық жоспарын табысты жүзеге асыру ынтымақтастық деңгейін жаңа сатыға көтеруге жақсы алғышарттар жасады. Қазақстан АҚШ-мен мұндай ынтымақтастық құрып отырған аймақтағы бірден-бір мемлекет болып табылады.
"Аталмыш жоспар аясында Қазақстанның Қарулы күштеріне жолсызбен жүретін 50 "Хаммер" автокөлігін әкелуді, бұл көліктерге техникалық қызмет көрсету орталығын ашуды, "Хьюи-2" маркалы екі тікұшақ пен Қазақстанның "Қазбриг" бітімгершілік бригадасына арнайы құрал-жабдықтар әкелуді, сондай-ақ, АҚШ-ның алдыңғы қатарлы әскери оқу орындарында оқып жүрген Қазақстан әскерилерінің санын ұлғайтуды қамтыған кең ауқымдағы әскери-техникалық бағдарламалар жүзеге асырылды", - деп атап көрсетті баспасөз қызметіндегілер.
"Президент Нұрсұлтан Назарбаевтың нұсқауларына және Қазақстан мен АҚШ арасындағы стратегиялық серіктестік деңгейіне толықтай сай келетін екі елдің қорғаныс мекемелерінің арасындағы ынтымақтастық серпіні қанағаттанарлық дәрежеде.
Жоспарланып отырған 2008 - 2012 жылдарға арналған әскери ынтымақтастықтың жаңа бесжылдық жоспарын қабылдау екіжақты стратегиялық серіктестіктің әрі қарай да нығаюына қызмет етпек", деп мәлімдеді мемлекеттік хатшы.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.