ҚР мемлекеттік хатшысы Қанат Саудабаев Ұлыбританияға барады
ҚР мемлекеттік хатшысы Қанат Саудабаев Ұлыбританияға барады
Астана. 25-ақпан. "Қазақстан Бүгін" - ҚР Мемлекеттік хатшысы Қанат Саудабаев Ұлыбританияға барады. Бұл туралы брифингте Сыртқы істер министрлігінің ресми өкілі Ержан Ашықбаев хабарлады.
"Ақпанның 28-інен наурыздың 6-сы аралығында Қазақстан Республикасының мемлекеттік хатшысы Қанат Саудабаев "Мемлекет қайраткерлерінің ядролық қауіпсіздік жобасы жөніндегі диалогына" қатысу және Қазақстан мен Ұлыбритания арасындағы екіжақты ынтымақтастық болашағын талқылау мақсатында Ұлыбритания және Солтүстік Ирландия Біріккен Корольдігіне сапармен барады", - деді Қазақстан СІМ өкілі.
Оның айтуынша, сапар барысында мемлекеттік хатшы британияның сыртқы саясат ведомстволарының өкілдерімен кездеседі және мемлекеттік істер жөніндегі корольдік "Чатэм-Хауз" институтында баяндама жасайды деп жоспарланған.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.