ҚР мен РФ ГЛОНАСС/GPS инновациялық технологиясын пайдалану туралы келісім шарт жасады
Үкімет басшысына "НАЖ" АҚ жобаларының бірі - апат кезінде жедел жұмыс істейтін "ЭРА-ГЛОНАСС" жүйесі таныстырылды.
Мәскеу. 13-қараша. Kazakhstan Today - ҚР мен РФ ГЛОНАСС/GPS инновациялық технологиясын пайдалану туралы келісім шарт жасады, деп хабарлайды Kazakhstan Today агенттігінің тілшісі.
Ресей Федерациясына жасаған жұмыс сапарын ҚР Премьер-Министрі Серік Ахметов "Навигациялық-ақпараттық жүйелер" АҚ аралаудан бастады.
Үкімет басшысына "НАЖ" АҚ жобаларының бірі - апат кезінде жедел жұмыс істейтін "ЭРА-ГЛОНАСС" жүйесі таныстырылды.
Серік Ахметов ІІМ, ТЖМ және "eCall" (еуропалық балама) сияқты жедел жұмыс қызметтерімен өзара әрекеттестікті қоса алғанда, "ЭРА-ГЛОНАСС" жүйесі жұмысының негізі принциптерімен танысты.
Өзара пікір алмасу барысында Премьер-Министр қазіргі уақытта Көлік және коммуникация министрі Асқар Жұмағалиевтің басқаруымен аталған жүйені зерттейтін жұмыс тобы құрылып жатқанын айтты.
"ЭРА-ГЛОНАСС" -елдің 83 субъектісіндегі 40 миллион көлік бірлігін қамтитын, оқиғаға жедел назар аудару арқылы ЖКО салдарын азайтып және зардап шегушілерге көмек көрсетуге арналған федералдық масштабтағы ресейлік жүйе.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.