ҚР ОСК "Нұр Отан" ХДП-ның үш мүшесін мәжіліс депутаттары ретінде тіркеді
ҚР ОСК "Нұр Отан" ХДП-ның үш мүшесін мәжіліс депутаттары ретінде тіркеді
Астана. 3 желтоқсан. "Қазақстан Бүгін" - ҚР ОСК "Нұр Отан" ХДП-ның үш мүшесін мәжіліс депутаттары ретінде тіркеді. Бұл туралы парламент мәжілісінде бүгін өткен жалпы отырыста төменгі палатаның вице-спикері Сергей Дьяченко мәлім етті, деп хабарлайды агенттік тілшісі.
"Орталық сайлау комиссиясы ағымдағы жылдың 2 желтоқсанында "Нұр Отан" ХДП-ның мүшелері Зейнолла Алшымбаев, Ольга Оленко мен Нұрлан Өнербаевты мәжіліс депутаттары ретінде тіркеді", - деді С. Дьяченко.
Оның айтуынша, бұл адамдар басқа жұмысқа ауысқан бұрынғы мәжіліс депутаттары Аслан Мусин, Асқар Бейсембаев пен Жақсылық Досқалиевті алмастырды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.