ҚР премьер-министрі Huawei Technologies және TIMWE компанияларының өкілдерімен АКТ саласында ынтымақтастық жасау мәселесін талқылады
Қазақстан Республикасының Премьер-Министрі Кәрім Мәсімов Huawei Technologies қытай компаниясының вице-президенті Тан Чибинмен және TIMWE португал компаниясының құрылтайшысы Рикардо Карвальомен кездесті.
Астана. 14-қыркүйек. Kazakhstan Today - ҚР премьер-министрі Huawei Technologies және TIMWE компанияларының өкілдерімен АКТ саласында ынтымақтастық жасау мәселесін талқылады, деп хабарлайды Kazakhstan Today агенттігінің тілшісі.
BNews.kz ақпараттық агенттігінің хабарлауынша, Қазақстан Республикасының Премьер-Министрі Кәрім Мәсімов Huawei Technologies қытай компаниясының вице-президенті Тан Чибинмен және TIMWE португал компаниясының құрылтайшысы Рикардо Карвальомен кездесті. Бұл туралы оның Facebook әлеуметтік желісінің бетінде хабарланған.
Таратылған ақпаратқа сәйкес, кездесу кезінде АКТ саласындағы өзара қарым-қатынастар мен серіктестікті дамыту мәселелері талқыланды.
Естеріңізге сала кетейік, Қазақстан Республикасының Премьер-министрі Кәрім Мәсімов бүгін "Digital Communication Kazakhstan-2011" көрме-фоумын ашты.
Digital Communications Kazakhstan 2011 көрме конференциясы Астанада Тәуелсіздік сарайында 14 нен 16 қыркүйекке дейін өтеді. Ол Қазақстан қоғамы мен жергілікті компанияларға еліміздің 2011-2015 жылдарға арналған индустриясы мен инновациялық әлеуетін көрсетеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.